商品詳情
有啲人直腸直肚，食幾多痾幾多
但有更多人係明明飲夠水食夠菜
但就永遠都肚脹脹便秘
其中一個就係我……
呢個問題幾年前已經好困擾
明明我只係有少少肉
BMI 23都未夠
但個肚腩異常大
最高峰係條腰33吋
呢個唔係減肥嘅分享
而係我透過解決腸胃同宿便問題
同肚腩分手、身體有返靚啲嘅線條
前兩年因為濕疹而去睇咗半年中醫
中醫話我腸脾胃比較差
都有建議食乳酸菌
因為有啲人嘅腸冇足夠嘅好乳酸菌就會有呢個問題
睇中醫有飲藥
果段時間都痾得非常好
腸胃都比較好、少咗肚脹
但大家睇過中醫都知
中醫就係$$$$$$$
診金藥費針一針都５舊水
睇足半年真係好貴
所以後來濕疹有好少少之後就停咗中藥
隨之而嚟嘅就係⋯⋯肚脹同便秘返返嚟
於是誤打誤撞下
我開始咗飲青汁
睇下可唔可以增加多啲纖維，痾多啲
一開始係飲萬X都有賣嘅基本青汁
飲咗一排就放棄
因為覺得又唔好味又結埋一舊舊又冇效果
後來我喺第二到見到宜家呢款高階版
有加到活性型酵素同埋乳酸菌！
諗起中醫有同我講，可以試下食乳酸菌！
於是就決定比多次機會呢樣嘢
我習慣每朝早空肚就飲
首先意外地包粉沖水完全唔會癡埋一舊舊
味道都比較好
而一開頭果段時間
我一飲完十分鐘左右，就有想去大嘅感覺
但完全唔係肚痾果種
飲咗一段時間之後
冇咗飲完就想去廁所嘅感覺
取之而且嘅係少咗便秘嘅情況
除咗生理前便秘（荷爾蒙嘅緣故）
其餘時間都係暢~～順~～～
肚仔都細返啲
唔洗再係３２吋，甚至著得返舊褲
肚脹嘅情況都減少咗
食飽咗個肚會大係好正常
但第二日唔再係之前咁
呢一年嚟再瘦咗係有做運動
一個禮拜一次有氧運動 唔算多
呢兩三個月停咗冇做
幫大家訂嘢食嘅同時，我都密密喺到食
但完全冇肥返，腸胃仍然ｏｋ
諗返唯一自己冇變嘅習慣
就係每朝飲1包青汁
所以我覺得呢包青汁喺我身上係有好有效！
如果你同我都一樣
不妨試下 呢個方法
戴返頭盔
人人體質唔同，有啲人未必有效
希望呢個方法幫到你
評語
1 評語
